زمانوں کی ہجرت

زمانوں کی ہجرت

ستاروں کی نبض تھم گئی ہے

اور کائنات نے اپنی آنکھیں موند لی ہیں

تاکہ وہ کچھ دیکھ نہ سکے

جو دیکھنے کے لیے بصر نہیں بصیرت چاہیے

آج کی رات

وقت کی زنجیر میں ایک ایسا لمحہ جڑا ہے

جس کی نہ کوئی ابتدا ہے، نہ کوئی انتہا

ایک ایسا سفر، جہاں مسافتیں قدموں سے نہیں

دل سے طے ہوئیں

جہاں جبرائیل کے پروں کی تھکن، عشق کی پہلی منزل تھی۔

براق کی ٹاپوں نے فضا میں جو لکیر کھینچی ہے

وہ زمان و مکان کے درمیان آخری سرحد تھی

آج عرش کی محفل میں فرش کا تذکرہ نہیں

بلکہ فرش والے کی خوشبو سے سدرہ مہک رہا ہے۔

کتنے زمانوں کی طنابیں ایک دستِ مبارک میں سمٹ آئی ہیں

عقل حیران ہے کہ وضو کا پانی ابھی لرز رہا ہے

اور کائنات کے سارے بھید، ایک 'عبد' کی ہتھیلی پر رکھ دیے گئے ہیں

یہ سفر نہیں تھا، یہ تو "محبت کا اپنے مرکز کی طرف پلٹنا" تھا

خدا خود منتظر تھا، کہ آج اس کا محبوب غیب کے پردے اٹھا کر

'قاب قوسین' کی خلوت میں مسکرائے گا

#نوریات

Comments

میں چپ رہوں گا کوئی تماشا نہیں کروں گا

الفاظ بھی شرمندہء معنی ہیں یہاں پر

مس کالوجی ۔ ایک نیا مضمون

مس کالوجی ۔ ایک نیا مضمون محمد نور آسی محترم قارئین آپ نے بیا لوجی، سائیکا لو جی ، فزیالوجی وغیرہ تو پڑھا یا سنا ہو گا یہ مس کا لوجی کیا ہے؟ یہ ہم آپ کو بتا تے ہیں یہ در اصل دو الفا ظ سے مل کر بنا ہے مس کال اور لوجی یعنی وہ علم جس میں مس کالوں کی سائنس کے بارے میں پڑھا یا جاتا ہے جی ہاں یہ بالکل نئی سائنس ہے اور اسکی دریافت بلکہ ایجا د کہئیے ، کا سہرا سب پاکستانیوں کے سر پر ہے سب سے پہلے کس نے مس کال دی- اس کے بارے میں کوئی مصدقہ حوالہ موجود نہیں تاہم غیر معتبر راویوں کا بیان ہے اور اغلب یہ ہے کہ کسی عاشق نامراد نے حسب روائت تہی بیلنس ہونے کی صورت میں اپنی محبوبہ کو دی ہوگی۔ راوی اس بارے میں خاموش ہے کہ آیا اسکی محبوبہ نے آگے سے کیا رسپانس دیا؟ مس کا ل ایک فن ہے ، ایک سائنس ہے یہ ہر کسی کے بس کا کھیل نہیں ۔۔ بہت سارے سیدھے ، اس سائنس سے نا واقف لوگ مس کا لیں دیتے دیتے اپنا بیلنس زیرو کر بیٹھتے ہیں اور پھر حیران ، پریشان ہو کر کہتے ہیں یہ موبائل کمپنی والے بڑے بے ایمان ہیں ۔ ابھی کل ہی سوروپے بیلنس ڈلوایا تھا ایک دفعہ بھی بات نہیں کی اور بیلنس زیرو۔ لعنت ہو ۔۔۔۔ کمپنی...

لفظ بولتے ہیں

Search This Blog