مہکتا ہوا سچ

وہ جو ایک بے جان تکرار میں کٹ رہی ہے
اس زندگی کی دھول اڑاتے ہوئے
ہم نے سائے جوڑ کر جتنی شامیں بنائیں
وہ سب مصلحتوں کے بوجھ تلے دب گئیں
رستے کے پرانے پیڑ اب ہمیں نہیں پہچانتے
کہ ہم نے اپنی انا کی دیواریں اتنی بلند کر لیں
کہ اب ایک دوسرے کو پکارنا بھی
محض  ایک سرگوشی کے سوا کچھ نہیں
کیسے عجیب لوگ ہیں ہم!
جو بھرے ہوئے شہر میں بھی خالی ہاتھ پھرتے ہیں
اور اپنی ہی بستیوں میں اجنبیوں کی طرح بستے ہیں
ہم نے یادوں کی جن کرچیوں کو سمیٹا تھا
آج وہی ہماری پوروں سے اپنا لہو مانگتی ہیں
اور ضمیر کی وہ کال کوٹھری
جس سے نکل کر ہمیں کائنات تخلیق کرنی تھی
اب ایک بے نام وحشت کا مسکن بن چکی ہے
مگر سنو!
ابھی گندم کی بالیوں میں وہ سنہرا پن باقی ہے
ابھی ڈھلتے چیت کی دھوپ میں وہ نشہ موجود ہے
جو ہمیں بتاتا ہے کہ لمحے ادھورے نہیں چھوڑنے
آؤ کہ اس سے پہلے کہ وجود کا یہ گداز پتھر ہو جائے
ہم بیزاری کے انبار سے اپنا آپ نکالیں
اور کسی وصلِ نو کے اس نور میں نہا جائیں
جہاں "میں" اور "تو" کے سب جھگڑے مٹ جائیں
جہاں زندگی کسی مجبوری کا عنوان نہیں
بلکہ ایک مہکتا ہوا سچ بن  جائے!

#نوریات

Comments

میں چپ رہوں گا کوئی تماشا نہیں کروں گا

الفاظ بھی شرمندہء معنی ہیں یہاں پر

مس کالوجی ۔ ایک نیا مضمون

مس کالوجی ۔ ایک نیا مضمون محمد نور آسی محترم قارئین آپ نے بیا لوجی، سائیکا لو جی ، فزیالوجی وغیرہ تو پڑھا یا سنا ہو گا یہ مس کا لوجی کیا ہے؟ یہ ہم آپ کو بتا تے ہیں یہ در اصل دو الفا ظ سے مل کر بنا ہے مس کال اور لوجی یعنی وہ علم جس میں مس کالوں کی سائنس کے بارے میں پڑھا یا جاتا ہے جی ہاں یہ بالکل نئی سائنس ہے اور اسکی دریافت بلکہ ایجا د کہئیے ، کا سہرا سب پاکستانیوں کے سر پر ہے سب سے پہلے کس نے مس کال دی- اس کے بارے میں کوئی مصدقہ حوالہ موجود نہیں تاہم غیر معتبر راویوں کا بیان ہے اور اغلب یہ ہے کہ کسی عاشق نامراد نے حسب روائت تہی بیلنس ہونے کی صورت میں اپنی محبوبہ کو دی ہوگی۔ راوی اس بارے میں خاموش ہے کہ آیا اسکی محبوبہ نے آگے سے کیا رسپانس دیا؟ مس کا ل ایک فن ہے ، ایک سائنس ہے یہ ہر کسی کے بس کا کھیل نہیں ۔۔ بہت سارے سیدھے ، اس سائنس سے نا واقف لوگ مس کا لیں دیتے دیتے اپنا بیلنس زیرو کر بیٹھتے ہیں اور پھر حیران ، پریشان ہو کر کہتے ہیں یہ موبائل کمپنی والے بڑے بے ایمان ہیں ۔ ابھی کل ہی سوروپے بیلنس ڈلوایا تھا ایک دفعہ بھی بات نہیں کی اور بیلنس زیرو۔ لعنت ہو ۔۔۔۔ کمپنی...

لفظ بولتے ہیں

Search This Blog